這一本書，收錄了小弟的一首詩。

幾經辛苦，才從城大得到一本，幸得好心的小姐給我一本。因為它竟然沒有在書店中發售，亦沒有在城大派發，只是一直在沒有人知道它的存在的情況之下存在著。

因為它在圖書館，才會給我發現。否則，我連自己的作品被刊登了也不知道。

真是一個神秘的文學活動。

隨文附上城大牛肉包一個。因為要趕及城大員工放工之前取書，所以我今天還來得及吃一個靚包包。這是我讀了兩年兼讀課都不知道的牛肉包包。十分好吃。

        忙了一整個上午，總算把一份又一份的文件做完。幸好我是剛剛入職的新同事，老闆並沒有給我指派重要的工作。可能我在同事的眼中只是一個小角色，整天都只是對著電腦打文件，的的塔塔的，好像人生就只有鍵盤聲。不似那些穿著筆挺西裝的男同事，每天都在門口出出入入，彷彿見客就要花掉一世的光陰。公司的生意，就全靠這些位高權重的人撐下去。

        我就是一個天生樂於做小角色的一個人。

        「還差五分鐘。」我心想。「多打兩行就差不多。」

        「去吃飯了吧，好嗎﹖」旁邊突如其來的一把聲音。

        可能我正集中精神，考慮甚麼時候去茶水間叮飯，才可能遇到最少的同事。這一記實在使我吃一驚。

        「吃飯﹖唔……也太早了吧。」我隨意地說了一句，我的眼角剛好看到電腦右下角的時間顯示。我希望語氣沒有透露出不自然。

        「三十分了。我才看過錶。」他說。

        「那好吧。你到門口等等我，三分鐘後出來。我差些少手尾就好了。」

        「那麼電梯口等吧。」他徐徐地向門口走了過去。

        三分鐘不足以把我手上的工作做完，卻可以讓我稍稍整理思緒。這麼突然的一個邀請，它的震撼力就如早上出門口時，明明白白的天還是藍藍的，然而一鎖住了門，就在耳邊響起一記雷一樣的出其不意。

        「你想甚麼﹖」林鳥問我。

        「隨便就可以了。你喜歡吃甚麼﹖」這是我跟朋友一起時最慣常的一句話。這大概是因為我自小就訓練成一個甚麼都得順從的人，吃甚麼穿甚麼做甚麼都得順應別人，不可以做主，更不可以想做主。

        「吃粥吧。粥好吃。」他微微地笑。

        到了粥店。因為午飯時間，只好跟另外的人同桌，就是「搭檯」。我面前的牆上不知道是掛著，還是鑲著一幅玻璃畫。上面用顏料畫了一葉輕舟，旁邊寫了一帆風順。

        「不是舟，是帆船。」他的語氣活像小學的班主任教導笨拙的學生。

        「舟就即是船吧。反正都一樣。」我覺得船和舟都差不多，反正都是同類。實在沒有必要分得那麼清楚。

        「如果是舟，就是一舟風順了。又怎麼會成了一帆風順呢﹖」他繼續用權威的語氣說。「所以舟和船是有分別的。」

        「又好似是……有分別吧。」我仍然覺得沒有分別，不過我實在不想為了這樣無聊的事跟他「意見不合」。

        吃了一大半，我才閃電般記起忘記了加白胡椒粉。別人吃粥總喜歡加些少胡椒粉，灰灰白白的，似欠打掃的傢具上抖落的塵埃。在粥匙的攪拌下跟粥混為一起，彷彿從來都沒有加進去。我一向沒有加胡椒粉的習慣，然而每一次見到別人這樣做，我都想著下一次就試試。不過，今次我又忘記了。好像連如此這般的小小的動作，都要永遠地等下一次，直到由上天來我叫我記起為止。

        吃過了午飯，我們又踏著同一的路回公司。我似乎被自己的大意分了心，一路上並沒有說甚麼。他都沒有說話，就是靜靜地走。我想著胡椒粉，想著想著，電光又突然閃了一閃：「啊！上一次我們都是在剛才的粥店吃午飯的。」我差點兒就衝口而出。幸好最後都只是心裡想到而沒有說出來。要不然他一定會覺得奇怪。我就叫自己用心記著他的喜好，例如他喜歡吃甚麼。可是我就是那麼粗心大意。

        回到公司，吸一口氣，靈魂似乎嗖一聲地回來了。很自然我又投入於的的塔塔的生活。粗心大意的我，其實其不只是胡椒粉和粥店那麼瑣碎的事。還有的，也是我忘了問他今天為什麼會約我吃午飯，以及那一份仍然在冰箱的午餐。可是，鳥一路上都沒有解釋他跟我吃飯的原因。

        鳥，我的心中漸漸叫他鳥，只是我的心中叫他鳥而已。

教改教改日日改。當然不免要參加一些有益身心的進修課囉。今次最新鮮的輪到特殊教育（其他的其實亦陸續或者已經同步的來來來）。上30小時喔，專家就當然當不了，要明白箇中奧妙亦做不到。最多最多都只是多一分體諒而已。不過，它亦給予我三個啟示。

1.它讓我明白到我其實已經切切實實的擁有了5年的特殊教育的前線經驗。

2.它讓我舒舒服服地看完了馬家輝的隨筆一本。

3.它讓我比一般人多享受了一個復活節假期（的心情）。（心情而已，工作只不過拖延至下星期補做。）

長話已經說盡。附上一堆數月來無聊拍下的單調的生活照。

頭左一為飲品（已經忘記了杯中為何物）。其餘皆為食。

尾左是上日文班時拍的ladyshaw一角，雖然我都捱不到最後。尾中是偶爾看到的貓捕雀圖，雖然三貓因為我走得太近而想逃走。尾右是我整理舊手提時抽出來的北京專列中風景照，如今一數又3年矣。

就是坐在cc can，對著未圓湖看了整整一本小說。

一口氣看完了《葡萄成熟的時候》，又一個女強人的故事。

母親一句「年輕女子又何嘗不是，否則，你等我置業，我又等你交租，拖到幾時去﹖雙方只得一輩子跟父母住」又一次狠狠地道出了現實。與其靠人，還不如自己努力。為自己找一個安樂窩，才是最積極的人生。

要數奢侈，看一本小說還不及放一天假；放一天假又比不上放自己一馬。偶爾輕鬆一天並沒有錯，只要明天仍然起床工作儲錢供樓。

幾時才儲得到首期呢﹖

生果之中，最多食橙（平靚正嘛!~）。不過有時都可以奢侈下既！

有日就買左包日本巨峰提，都真係幾甜，而且寫明日本貨，心理上都好食d啦！

原來香港多左好多來貨，一來多左人會買，二來有d可能係日本品種但係唔係日本種植既，都有得賣。

兩者都係幾十塊貨仔，所以可以都係買番日本貨，反正捨得畀都唔爭在啦。係咪﹖

人生都係要間中豪下，先至有番d意義既！（呢句係我係呢個冇人性既社會打滾左幾年領悟番黎既道理，係咪好哲理feel呢﹖）

上一回話說我畀個進修修到我病，結果我請左日假去看病（聲沙到出唔到聲……）。返去老家既家庭醫生，結果竟然係「摺ed」！原來領匯加租逼走d老店，先可以再裝修來「重新規劃」個商場，將個「屋村」商場升級做「中產」商場。連做左十幾廿年既老店都要走頭。結果當然係搵個仲未走既睇左就算啦。

領匯，你好野！（佢咁upgrade法，想唔賺大錢都唔得啦，大家好趁快入多d領匯囉！

題外話，我趁等睇病既空檔去大滿貫食左個粥，廿蚊有找，都算有貨交嫁！）

咁意料之外呢﹖都有兩件事。第一，個centre原來愈搬愈遠。搬到去long beach，行去地鐵都行成3個字，條路都真係幾long下。第二，就係個課室既通風系統係完全唔通風的，搞到我上完之後要睇醫生，白白食左兩日藥。

又一次證明d專業進修課既專業性。

講到咁灰，又講下d開心少少既事。就係奧海城美食。

第一日食左個麥奀既餛飩麵。

個碗都既細（都一早知道），不過剛好焗左一日，都冇乜胃口，份量剛好。一碗仔加多杯凍飲盛惠28元，都算中高檔消費。味道﹖我覺得同一般貨仔冇乜分別囉。

第二日好番d，就食番正路既味皇。

炒飯烚菜加凍飲都係28元，不過分量就比昨天多（都係一早就知道）。今餐好在個炒飯都冇乜油，食晒都唔覺膩，個菜更係冇油，全合我既心意。

結論：今次上課都總算「有d」收穫。

成隻碟講既野都同以前差唔多，論好聽可能single仲好d。

化個mv拍得幾好，個男仔幾得。

我係188買左$90，hmv要$115，比金牌年代既碟仲要貴。 

好似好多彈，不過……d歌實在就係咁，叫好d咪化、陌路同埋知情識趣。如果d曲真係黎生既眼光，咁下一次唔該畀番楊小姐自己造啦。d歌既素質同個碟名唔係好夾囉……

我要左右手邊既紅豆湯，因為記得10年前去日本買過汽水機既紅豆湯，所以買來試試(不是當年同一牌子啦)。味道甜甜甜，好杰，F.C.K.話好似溶左既紅豆雪條，我都好覺得係。

至於左手邊既係有粒粒橙肉既橙汁。直頭同n年前既「粒粒橙汁」一樣味。可惜我地都唔記得「粒粒橙汁」既牌子叫乜名。仲記得既朋友留個言畀我啊唔該。

我從沒有買過她的大碟，所以每次有精選我都會考慮。

這一次本來不打算買，因為上一隻精選只隔了3張唱片，以為沒有什麼「新歌」。

原來跟以前的精選比較，都有18首之前沒有的歌！

因此，對我來說，這張都可算是真正的精選了。

(如果買足大碟的朋友，新歌就只有3首，包括女人本色國粵語當2首，有點兒搵笨。)

(可惜第1張kiss給人借走了就沒有回頭，現在就只有這2張了……)

今日係崇光見到有一套，係日本學校午餐既模型。F.C.K.買左畀我，其實本來都唔係為左搵佢先行過，都幾無心插柳囉！

成套有9份餐同一套桌椅。食物固然精緻，不過我最喜歡既都係桌椅。所以都係先拆黎把玩下！

第3圖就睇到佢既比例，日本野又真係幾靚幾有心思，雖然佢製作都係made in china，不過份心思都值回票價既。

有冇d都係離開左學校之後又好懷念返學既人呢﹖放番套模型黎望「型」止渴都唔錯嫁！

千嬅既個人cd我應該都幾乎有齊，只係欠左隻金魚水杯精選。當年因為覺得有晒佢既cd，這一隻因為係純精選而冇新歌，所以當年冇買，宜家想齊番，但係行左好多舊cd店都搵唔到。心血來潮上網search下，又畀我搵到一隻。今日約出黎交收，承惠150。

F.C.K.話貴，算啦，我都覺得唔平，不過唔想再搵囉，反正平日買6合用既錢都唔止啦，買貴左唔緊要，最緊要係我有能力搵錢買。

所以我都係要畀心機返工囉。

後記：原來隻「只要為我好」我一直都係冇嫁(我一直都唔係好知)……隻碟都買得有價值喎！

我地叫一份2人餐加一份1人餐分黎食，平均一人110。論價錢都唔算貴。

味道我覺得同尖咀老富昌差唔幾，下面個麵唔焾，茄汁食到有番茄肉粒。

 這個燒豬肋骨好香，肉香又焾。不過我就唔太喜歡食骨，特別同朋友食個食相就唔太優雅。

 第3個主菜係魚卷。我覺得係急凍魚，因為連我唔好食魚(因為怕腥)都食唔到佢腥。幾滑唔腥，而且份量唔多，食完都唔會好飽，幾好。

食飽吹夠水，其中一個人有得泊車，原來食夠300蚊新世紀有得泊3個鐘免費。有車之人如果去食飯行街都唔錯喎！

佢既賣點係自製麵，加上新鮮番茄湯。每次我都幾乎食佢個招牌麵，d湯都真係幾好味，有紅白蘿蔔，有粟米、海帶，幾有蔬果甜味。招牌麵仲有豬頸肉、雞翅膀、魚卷同蘿蔔，套餐仲有杯野飲。初初成個餐都係34-36蚊，近來加到38。不過佢地方都幾乾淨，都係旺角食野既好地方。

下圖唔係麵餐，而係一個小食。類似炸雲吞，食手工都ok，不過都要22蚊一份，貴左d，以後都係齋叫餐抵食d（如果佢跟餐叫會平d就可以考慮下）。

西貢滿記近年開左好多分店，今次就係尖咀citylulu食既。

下面個涼粉紅豆沙既有涼粉既咬口，又有紅豆沙既甜，比齋食涼粉好好多。加埋個花奶食仲香d。

 西瓜豆花都幾奇特，我個人就唔覺得兩樣野可以一齊食，而且食果個唔係我，我都搭唔到爹。齋睇樣我估我唔會叫囉。如果大家食過，不如話畀我知得唔得啦！